Yeni albomu ilə rekorda imza atdı

Yeni albomu ilə rekorda imza atdı
Oxunma sayı: 2818

Amerikalı ifaçı Teylor Sviftin yeni “Folklore” albomu qadın ifaçıların plastinkaları arasında internetdə dinlənilmə sayına görə rekorda imza atıb. “Qafqazinfo” “Independent”ə istinadən xəbər verir ki, albom bir sutka ərzində 80,6 milyon dəfə dinlənilib.

Həmçinin ilk 24 saat ərzində müğənni 1,3 milyon nüsxədən çox albom satıb.

Maraqlıdır ki, ötən həftə Svift gözlənilmədən albom çıxaracağını açıqlamış və “Folklore” 17 saatdan sonra işıq üzü görmüşdü.

Albom üzərində “The National” qrupundan olan Aaron Dessner, “Bon Iver” kollektivindən Castin Vernon, həmçinin prodüser Cek Antonoff çalışıb.

Sviftin səkkizinci studiya plastinkası tənqidçilər tərəfindən yüksək qiymət alıb.