Ukraynada cinayət işi açılan ilk Rusiya əsgəri ömürlük həbs edildi

Ukraynada cinayət işi açılan ilk Rusiya əsgəri ömürlük həbs edildi
Oxunma sayı: 2090

Ukrayna məhkəməsi tərəfindən mühakimə olunan ilk rus əsgər Vadim Şişimarin hərbi cinayətdə və qətl törətməkdə təqsirli bilinərək, ömürlük həbs cəzasına məhkum edilib.

“Qafqazinfo” xarici KİV-ə istinadən xəbər verir ki, buna səbəb Şişimarinin 62 yaşlı Aleksandr Şepilovu başından açdığı atəşlə öldürməsi olub.

Bildirilib ki, Rusiya ordusu ilə Ukraynanın Sumi bölgəsinə daxil olan Şişimarin fevralın 28-də Çupaxovka qəsəbəsində evinin qarşısında dayanan və heç bir silahı olmayan 62 yaşlı Aleksandr Şepilovu silahla vuraraq öldürüb.

Daha sonra Ukrayna əsgərləri tərəfindən əsir götürülən Şişimarin barəsində qəsdən adam öldürmə və hərbi cinayətlər törətmə ittihamı ilə iddia açılıb.

Mayın 18-də Solomenski Məhkəməsində rus əsgərin məhkəməsi başlayıb və bu, “Rusiyanın Ukraynaya müharibə elan etməsindən sonra Rusiya əsgərinə qarşı açılan ilk cinayət işi” olması ilə diqqət çəkib.