Rusiyanın Ermənistandakı poliqonunda partlayış olub, ölən var

Rusiyanın Ermənistandakı poliqonunda partlayış olub, ölən var
Oxunma sayı: 1949

Rusiya Silahlı Qüvvələrinin Gümrüdəki 102-ci hərbi bazasına məxsus Şirak rayonundakı Kamxut dağ silsiləsində baş vermiş partlayış nəticəsində bir nəfər ölüb.

“Qafqazinfo” “Sputnik Ermənistan”a istinadən xəbər verir ki, ölən şəxs yaxınlıqdakı Vəhramaberd kəndindən olan 1957-ci il təvəllüdlü çobandır.

Axuryan bələdiyyəsi sədrinin birinci müavini Karen Arşakyan bildirib ki, mərmi saat 15:30 radələrində partlayıb və həmin vaxt poliqonda heç bir təlim olmayıb: 

“Mərmi əvvəlki təlimlərdən qalmış ola bilər. Həmçinin sel sularını boşaltmaq üçün xəndəklər qazılıb. Su mərmiləri götürüb başqa yerə ata bilər. Ola bilsin ki, çoban mərmini görüb ona yaxınlaşıb”.