O da “Neftçi”dən getdi

O da “Neftçi”dən getdi
Oxunma sayı: 1452

“Neftçi” müqavilə ilə Yunanıstanın “Olimpiakos” klubuna məxsus olan qvineyalı yarımmüdafiəçi Mamadu Kane ilə yollarını ayırıb.

“Qafqazinfo” xəbər verir ki, bu barədə 25 yaşlı futbolçu sosial şəbəkə hesabında məlumat paylaşıb.

Qvineya millisinin də üzvü olan yarımmüdafiəçi Azərbaycan çempionuna təşəkkür edib:

“Neftçi”də keçirdiyim bir neçə ildən sonra bu komanda ilə vidalaşmaq vaxtı çatdı. Məni dünyaya məhz bu klub tanıtdırdı. “Neftçi”dəki hər kəslə, klub prezidenti, idman direktoru, məşqçilər, komanda yoldaşlarım və azarkeşlərlə əməkdaşlıq etmək fürsətim olduğu üçün çox şadam. Hamı bilir ki, buradan yaxşı hisslərlə ayrılır, sizinlə bölüşdüyüm bu peşəkar təcrübə ilə fəxr edirəm. Hamınızdan razı qaldım. İşimi sevdim və bu, məni son anadək motivasiya etdi. Mənə verdiklərinizə görə bir daha sizə təşəkkür edirəm”.

Qeyd edək ki, Mamadu Kane 2019-cu ilin yanvarından “Neftçi”də çıxış edirdi. O, ötən yay “Olimpiakos”la 4 illik müqavilə imzalamışdı. Lakin Yunanıstan klubu futbolçunun “Neftçi”də icarə əsasında çıxışını davam etdirməsinə şərait yaratmışdı.