“NATO-nun sərhədlərimiz yaxınlığında fəaliyyətindən narahatıq”

“NATO-nun sərhədlərimiz yaxınlığında fəaliyyətindən narahatıq”
Oxunma sayı: 1433

“Rusiya və Belarus Şimali Atlantika Alyansının öz sərhədləri yaxınlığında, xüsusilə Baltikyanı ölkələr və Polşada fəaliyyətindən ciddi narahatdır”.

“Qafqazinfo” TASS-a istinadən xəbər verir ki, bunu Rusiya xarici işlər naziri Sergey Lavrov deyib. 

“Biz NATO-nun sərhədlərimizin bilavasitə yaxınlığında, ilk növbədə Baltikyanı ölkələr və Polşadakı fəaliyyətindən ciddi narahatıq. Biz eyni fikirdəyik ki, bu cür hərəkətlər açıq şəkildə qarşıdurma xarakteri daşıyır və gərginliyin daha da artmasına və Avropa təhlükəsizlik və əməkdaşlıq məkanının parçalanmasına gətirib çıxarır. Qərb bütün bunları öz əlləri ilə məhv edir”, - deyə lavrov qeyd edib. 

Lavrov, həmçinin, qeyd edib ki, Şimali Atlantika Alyansı ABŞ-ın Avropada hərbi mövcudluğunu gücləndirmək və şərqdə qüvvələr yaratmaq qərarına gələrək Rusiya və NATO-nun qəbul etdiyi əsas aktı kobud şəkildə pozur.