“Məni qucaqladı, itələdim, şillə vurdu” - Aktrisaya küçədə hücum

“Məni qucaqladı, itələdim, şillə vurdu”
Oxunma sayı: 4128

Gənc aktrisa Mehin Bayramlıya hücum olunub. Bu barədə o, instaqram səhifəsində məlumat yayıb.

Hadisənin təfərrüatını “Qafqazinfo”ya danışan M. Bayramlı bildirib ki, mayın 22-də gecə saatlarında Abşeron rayonunun Müşfiqabad qəsəbəsində evə gedərkən bir nəfər onu qucaqlayıb: “Onu itələdim. Yerində dura bilmirdi. Ondan içki iyi gəlməsə də, hallı olduğu hiss olunurdu. Üzünə baxırdım ki, yadımda saxlayım, mənə şillə vurdu”.

Xəbəri rus dilində oxuyun: Расисткая реклама известной компании разгневала пользователей сети - Видео

На Садаракской таможне арестованы брат и сестра

M. Bayramlı ona hücum edən şəxsi daha əvvəl tanımadığını, sonradan qonşuluqda yaşadığını öyrəndiyini bildirib: “45 yaşı var, ailəlidir, 2 uşağı var”.

Aktrisanın sözlərinə görə, həmin gün üç dəfə DİN-in 102 Qaynar xəttinə zəng ediblər: “Zənglərdən sonra ərazimizə aidiyyəti olmayan bölmədən, Qobudan polis əməkdaşları gəldi. Ərizə yazdırdılar, amma şiddətə məruz qaldığımı yazmağa icazə vermədilər. Dedilər ki, ikinci ərizədə yazarsınız. İki gündür heç bir xəbər yoxdur”.

M. Bayramlı qeyd edib ki, ona hücum edən şəxsin ailə üzvləri dəfələrlə qapılarına gələrək şikayət ərizəsini geri götürməyini xahiş edib.

DİN Mətbuat xidmətindən “Qafqazinfo”ya bildirilib ki, müraciət icraata qəbul edilib: “Adını bilmədiyi qonşusu tərəfindən narahat edilməsi ilə bağlı Mehin Bayramlının anasının müraciəti əsasında araşdırma başlayıb. Araşdırmanın nəticəsindən asllı olaraq, məsələyə hüquqi qiymət veriləcək”.