“InvestAZ”dan dünya maliyyə bazarları ilə bağlı həftəlik analiz

“InvestAZ”dan dünya maliyyə bazarları ilə bağlı həftəlik analiz
Oxunma sayı: 763

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR.

Ötən həftə Amerikada açıqlanan mənfi makroiqtisadi göstəricilər fonunda FED-in növbəti toplantıda faiz dərəcələri 0.75% artıracağı ehtimallarının yüksəlməsi EURUSD məzənnəsinin kəskin ucuzlaşmasına səbəb olsa da, məzənnə 1.0380 hədlərindən dəstək görməkdədir.

Təhlillərə əsasən, cütlüyün qiyməti 1.0380 səviyyəsinin altına düşsə, 1.03000 hədlərinə kimi ucuzlaşa bilər.

GBP.

GBPUSD məzənnəsində də eniş tendensiyasının davam etdiyi müşahidə olunur. Əgər 1.2070 həddi aşağıya doğru qırılsa, funt sterlinqin dollar qarşısında 1.1980 hədlərinə qədər ucuzlaşa biləcəyi proqnozlaşdırılır

Bu həftə ərzində Avropa Mərkəzi Bankının və Amerika Federal Ehtiyyatlar Sisteminin son toplantılarının protokollarının dərci investorlar tərəfindən maraqla gözlənilir. Həmçinin cümə günü Amerikada açıqlanacaq əmək bazarı göstəriciləri, xüsusən də “NFP” rəqəmləri diqqət mərkəzində olacaqdır.

TRY.

TCMB ötən həftə reallaşdırdığı intervensiyay baxmayaraq USDTRY məzənnəsində “buğa”lar yenidən üstünlüyü ələ keçiriblər. 16.76TL qırılacağı təqdirdə qiymətin 17.16TL-yə qədər bahalaşması ehtimal olunur.

OIL.

Ötən həftənin son ticarət günündə 113-a kimi ucuzlaşsa da, neftdə artım trendinin qorunduğu ehtimal olunur. Brent markalı neftin bir barel üzrə qiyməti 115$-ın üzərinə yüksələrsə, yenidən 118$-a kimi bahalaşa bilər.

Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD.

Enişlə başa vurduğu həftənin ardından qızıl 1780$-dan dəstək alaraq yeni həftəyə bir qədər artımla başlayıb. Qiymətli metalın bir unsiya üzrə dəyərinin 1813$-ın üzərində möhkəmlənə bilsə, 1825$-a (58.68$/qram) kimi bahalaşa biləcəyi proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin

Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.