İlham Əliyev, Şarl Mişel və Nikol Paşinyan yayda yenidən görüşəcəklər

İlham Əliyev, Şarl Mişel və Nikol Paşinyan yayda yenidən görüşəcəklər
Oxunma sayı: 1143

“Azərbaycan Prezidenti İlham Əliyev və Ermənistan Baş naziri Nikol Paşinyanla danışıqlar səmimi və məhsuldar keçdi”.

“Qafqazinfo” xəbər verir ki, bunu Avropa İttifaqı Şurasının Prezidenti Şarl Mişel Brüsseldə tərəflərlə keçirilən görüşün yekunlarına dair açıqlamasında deyib.

Onun sözlərinə görə, görüş zamanı Cənubi Qafqazdakı vəziyyət, eləcə də Aİ-nin hər iki ölkə ilə əlaqələrinin inkişafı müzakirə edilib.

“Biz sıx təmasda qalmağa razılaşdıq və iyul-avqust aylarına qədər eyni formatda yenidən görüşəcəyik”, - deyə Mişel söyləyib.