Ərdoğandan İsveçlə Finlandiyanın NATO-ya mümkün üzvlüyünə münasibət

Ərdoğandan İsveçlə Finlandiyanın NATO-ya mümkün üzvlüyünə münasibət
Oxunma sayı: 2345

“Türkiyə Finlandiya və İsveçin NATO-ya üzvlüyü məsələsini izləyir”.

“Qafqazinfo” Türkiyə mediasına istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.

Onun sözlərinə görə, Türkiyə hələ ki bu məsələ ilə bağlı müsbət düşüncəyə sahib deyil: “Çünki bundan əvvəl Yunanıstanla bağlı səhvlərə yol verilib. Yunanıstanın Türkiyəyə qarşı ittifaqdakı davranışından xəbəriniz var. Biz ikinci dəfə səhvə yol vermək istəmirik. Skandinaviya ölkələrinin terrorçulara qonaqpərvərlik göstərmək, onları parlamentə buraxmaq vərdişləri var. Buna görə də, hələ buna müsbət yanaşa bilmərik”.