“Drakon” üzr istəyib 500 manat ödəməlidir

“Drakon” üzr istəyib 500 manat ödəməlidir
Oxunma sayı: 1959

Bu ilin əvvəlində “Drakon” ləqəbli aktyor Rza Rzayevlə məktəb direktoru Tural Mirzəliyev arasında davalı qalmaqalla bağlı məhkəmə işlərindən biri yekunlaşıb.

“Qafqazinfo”nun verdiyi xəbərə görə, R.Rzayevin feysbuk sosial şəbəkəsində direktor haqda yazdığı statuslarda ona böhtan atması və təhqir etməsi iddiası üzrə qərar verilib. Aktyor həmin statuslarda direktora “Fetöçü” deyərək sonra təhqir edib. Məhkəmə qərar verib ki, bunlara görə, “Drakon” məktəb direktorundan üzr istəməli, onun haqqında yazdıqları barədə təkzib verməli və 500 manat cərimə olunmalıdır. Bu işə üçüncü tərəf kimi cəlb olunan xəbər saytları isə təkzibi dərc etməlidirlər.

Aktyor bu qərardan apellyasiya şikayəti versə də, ikinci instansiya məhkəməsi bunu qüvvədə saxlayıb.

R.Rzayevin bacısı oğlu ilə birlikdə direktora xəsarət yetirməsinə görə açılan cinayət işi üzrə məhkəmə prosesi isə hələ də davam edir.

Murad Əhməd


Daha tez məlumatlanmaq üçün yeni Facebook səhifəmizi