Daha bir ölkədə koronavirusun “Braziliya” ştammı aşkarlandı

Daha bir ölkədə koronavirusun “Braziliya” ştammı aşkarlandı
Oxunma sayı: 749

Venesuelada koronavirusun “Braziliya” ştammına yoluxma halları aşkarlanıb.

“Qafqazinfo” TASS-a istinadən xəbər verir ki, bu barədə respublika Prezidenti Nikolas Maduro bildirib.

Onun sözlərinə görə, yoluxma halı əvvəlcə La-Quayra ştatında qeydə alınıb. Analiz təsdiq edib ki, söhbət “Braziliya” ştammından gedir. Hökumət xəstənin olduğu əraziləri müəyyən edib və bu ştamma yoluxmanın digər hallarını Karakasda və Miranda ştatında aşkarlayıb. “Biz yoluxma hallarının qeydə alındığı yerlərdə PCR testlər apararaq miqyası müəyyən etməyə çalışırıq”, - dövlət başçısı əlavə edib.

Qeyd edək ki, Braziliyada koronavirusun yeni mutasiyasının aşkarlanması haqda ilk dəfə ötən il dekabrın sonlarında məlum olub.