ÇL-də 1/8 finala ilk 4 vəsiqənin sahibi müəyyənləşdi

ÇL-də 1/8 finala ilk 4 vəsiqənin sahibi müəyyənləşdi
Oxunma sayı: 2137

Bu gün futbol üzrə UEFA Çempionlar Liqasında qrup mərhələsinin ikinci dövrəsinə start verilib.

"Qafqazinfo" xəbər verir ki, 4-cü turun ilk oyun günündə 4 qrup üzrə 8 oyun keçirilib.

Baş tutan qarşılaşmaların ardından 1/8 finala vəsiqə qazanan ilk 4 klub müəyyənləşib.

E qrupunda müvafiq olaraq “Krasnodar” və “Renn” səfərindən minimalhesablı qalibiyyətlə dönən “Sevilya” ilə “Çelsi” növbəti mərhələyə vəsiqəni rəsmiləşdiriblər. 

G qrupunda da 1/8 finalın hər iki iştirakçısı bilinib. Lider “Barselona” yoluna itkisiz davam edib. Kiyev “Dinamo”sunu səfərdə məğlubiyyətə uğradan kataloniyalılar növbəti raunda vəsiqəni təmin ediblər. “Yuventus” isə öz meydanında “Ferensvaroş” üzərində əzmkar qələbə qazanmaqla, “Barsa”ya yoldaş olub.

Qeyd edək ki, turun digər 8 oyunu noyabrın 25-də keçiriləcək.

UEFA Çempionlar Liqası
Qrup mərhələsi
24 noyabr

E qrupu

“Krasnodar” (Rusiya) – “Sevilya” (İspaniya) 1:2
Qol: Vanderson, 56 – Rakitiç, 4. El Haddadi, 90+5.

“Renn” (Fransa) – “Çelsi” (İngiltərə) 1:2
Qol: Jirassi, 85 – Hodson-Odoi, 22. Jiru, 90+1.

Çelsi – 10, Sevilya – 10, Krasnodar – 1, Renn – 1.

F qrupu

“Latsio” (İtaliya) – “Zenit” (Rusiya) 3:1
Qol: İmmobile, 3; 55. Parolo, 55 – Dzyuba, 25.

“Borussiya” (Dortmund, Almaniya) – “Brügge” (Belçika) 3:0
Qol: Haland, 18; 60. Sanço, 45.

Borussiya – 9, Latsio – 8, Brügge – 4, Zenit – 1.

G qrupu

“Dinamo” (Kiyev, Ukrayna) – “Barselona” (İspaniya) 0:4
Qol: Dest, 52. Breyveyt, 57; 70-pen. Qrizmann, 90+2.

“Yuventus” (İtaliya) – “Ferentsvaroş” (Macarıstan) 2:1
Qol: Ronaldo, 35. Morata, 90+2 – Uzuni, 19.

Barselona – 12, Yuventus – 7, Ferentsvaroş – 2, Dinamo – 1.

H qrupu

“Mançester Yunayted” (İngilıtərə) – “Başakşəhər” (Türkiyə) 4:1
Qol: B.Fernandes, 7; 19. Reşford, 35-pen. Ceyms, 90+2 – D.Türüç, 75.

PSJ (Fransa) – “Leypsiq” (Almaniya) 1:0
Qol: Neymar, 11-pen.

Mançester Yunaytet – 9, PSJ – 6, Leypsiq – 6, Başakşəhər – 3.