Braziliya millisinin sabiq üzvü Qazaxıstan klubunda

Braziliya millisinin sabiq üzvü Qazaxıstan klubunda
Oxunma sayı: 1600

Futbol üzrə Braziliya yığmasının sabiq hücumçusu Vaqner Lavın Qazaxıstanın “Kayrat” klubuna transferi rəsmiləşib.

"Qafqazinfo" xəbər verir ki, bu barədə sözügedən klubun mətbuat xidməti məlumat yayıb.

Bir neçə gün öncə Qazaxıstana gələn və koronavirus testindən uğurla keçən futbolçu artıq rəsmi müqaviləyə imza atıb. Tərəflər 6 aylıq anlaşıblar.

Qeyd edək ki, Vaqnerin son iş yeri Braziliyanın “Korintians” klubu olub. Bu klubla müqaviləsini ötən ay ləğv edən 36 yaşlı forvard, karyerası ərzində “Palmeyras”, “Flamenqo”, “Monako”, ÇSKA (Moskva), “Şandonq Lunenq”, “Alanyaspor” və “Beşiktaş” klublarının da formasını geyinib.


Daha tez məlumatlanmaq üçün yeni Facebook səhifəmizi