600 abonent qazsız qaldı

600 abonent qazsız qaldı
Oxunma sayı: 1913

Bu gün Bakı şəhəri və ətraf yaşayış massivlərində hava şəraiti güclü küləklə müşahidə olunur.

"Azəriqaz"dan "Qafqazinfo"ya verilən məlumata görə, Xəzər rayonu Binə qəsəbəsi Sovxoz ərazisi deyilən yerdə, "Qardaşlar" marketinin damı uçaraq diametri 159 mm olan orta təzyiqli qaz xəttinin üzərinə aşıb.

Müvəqqəti olaraq təbii hadisə səbəbindən 600 abonentin qaz təchizatında fasilə yaranıb.

"Azəriqaz" İstehsalat Birliyinin rəhbərliyi tezliklə fəsadların aradan qaldırılması və qaz təchizatının bərpa olunması barədə tapşırıqlar verib.